حقك عليا يا مصر/ رضا محمد السيد

مصر بتبكى بقالها سنين
إيه إللى جرى للمصريين
بتقول يا مصرى انا هُنت عليك
خلاص نسيت يا مصرى أنا مين 
مصر بتبكى بقالها سنين
وإيه إللى جرى للمصريين

أعدائى شافوك قاسى عليا
فرحوا الظالمين
وأنا إبنى  لـو إتحكم فيا
أنا هشكى لمين
ومهما كنا مختلفين
ما ننسى إن إحنا مصريين

دا المصرى إبنى
ومش ها يسبنى 
وغيره هيخاف عليا مين
ماتفوقوا بقى يا مصريين

جت كده معلش يا نور عينى
 وأنا المحقوق
أعدائى وقعوا بينك وبينى
ومسيرنا  نروق
مين غيرك يا بنى هيحمينى
يا مصرى يا بنى يا نور عينى

الحق عليا أنا البادى
سماح أومال
أزمة وهتعدى المرة دى
وهيصفى البال
وحياتك يا مصر سامحينى
أهى توبة خلاص وصالحينى
يا غالية يابلدى يا نور عينى .