كترو قصايد عيد الام/ طوني حنا النسر

يا  شعر هلي بينظموك كتار
وفي ناس لو كبرو بيضلو زغار
بعرف شويعر عاش بالتعتير
ومن دون نقطه بينسما خمّار

مش بس عم يشلح حجر بالبير
المنو شرب ... يا باطل وستار
شو صايبو حضرة ابو جرجير
بيمدح جريده وغيرها بيذم
وتنينهم حطو الو اشعار

وعا العين يا احبابنا لاقو
اللي بحجم قلبو كبر اخلاقو
وشوفو اللي صيتو بالشعر محمود
وشوفو العا وجه الارض ما انطاقو

بهني "رومانوس" عا شعر مرصود
حامل لنا موقف باعماقو
بالجاليه موجود جوز قرود
متل الدجاج اليوم بيقاقو

معلوم عيد الام "فيري" كود
والقدّروها عطفها داقو
وحبي لأمي ما التقالو حدود
من زغرتي فايق عا عيد الام
وفي ناس اخدو سنين تا فاقو