1 يجب أن يتوقف بوكيمون (اسم الدلع بتاع بان كى مون القلقان) عن القلق ويعمل دوره بعيدا عن الإخوانى أوباما بن لادن البغدادي

  2 أن يقوم مجلس اﻷمن بإعلان أن اﻷسد هو الحاكم وتكوين جيش عسكرى عالمي لمساندته وعودة سيطرة الحكومة الشرعية المدنية العلمانية على البلاد وإعلان كل المنظمات المحاربة للأسد كالجيش الحر وجبهة النصرة وغيرها منظمات إرهابية وقطع كل الإمدادات المادية والعسكرية عنها

 3 تقسيم العراق الي 3 دويلات دولة شيعية فى الجنوب ودولة كردية في الشمال ويترك لأهالي تلك المناطق حرية اختيار حكامهم ويمنع منعا باتا انتقال الأهالي بين تلك البلاد لمدة 10 سنوات حتى تندمل جراح الدم بين تلك الدويلات أما بالنسبة لدولة الوسط فتوضع تحت الوصاية الدولية حتى يتم تطهير تلك البقعة من التطرف ومحو الخلايا النائمة للقاعدة وداعش وتولى الأمم مهمة تعليم البشر فى دولة الوسط حتي يتم استئصال التطرف بشكل نهائي

4 القبض علي اوباما ووضعه فى منتجع جوانتانامو مصنع الإرهابيين

  5 عرض رؤساء الإتحاد الأوربي علي طبيب نفسي وعمل I Q لهم لمعرفة نسبة ذكائهم ومحاولة كشف السر فى مشيهم وراء أوباما زي الخرفان

 6 إعطاء فرصة للدول غير العلمانية للتحول إلي دول مدنية حقيقية وبعد هذه المدة يمنع التعامل نهائيا مع تلك الدول

7 سحب الجنسيات من الخلايا النائمة فى الاتحاد الاوربى وأمريكا وكندا وتجميع من يثبت انتمائه للمنظمات الإرهابية مع اوباما فى نفس المعتقل بتاع جوانتانامو

 8 وضع أردوغان فى نفس القفص مع اوباما

  8 منع الأحزاب الدينية على مستوي العالم 

10 تطوير الخطاب الدينى عن طريق مستشفى 5757 أو مستشفى 500 500

لو سمعوا ما قاله فرج فودة ما كان جرى ما كان

لو تنبهوا له ما تحول مصريين إلى إرهابيين

لو أنصتوا له ما كان جرى أن يقتل المصرى مصرى أخر وتلوث يده بدماء بنى وطنه يقتل ويفجر حتى أبراج الكهرباء وقضبان القطارات

لو أصغوا له ماكان للتدين الظاهرى أن يطغى وأن تختفى طهارة العقل ويحل محلها عقول قاتلة متوحشة لا تعرف للرحمة سبيل

لو فهموا ما قاله  لما تحولت المرأة المصرية لمخلوق يشعر بالضعف والمهانة وإحساس بالنقص  وتحولها لعورة وقطعة لحم يراد نهشها

لو وعوا ما قاله لوفرنا خرابا ودمارا ليس له حدود

لو أخذوا بما قاله ماكان لمحمد عطا أن يخرج ليقتل 3000 نفس ويشعل العالم كله حربا ودمارا

لو تنبهوا لما قاله لظل كل المصريين على قلب رجل واحد إسمه مصر

لو دقوا جرس الإنذار ما كان لخائن لوطنه أن يتحول لرئيس يدين بالسمع والطاعة لجماعته وليس لوطنه

لو لم يكفروه لغرس فكره المستنير فى قلوب تحجرت و قست حتى على بنى جلدتها

ولو ...ولو ...ولو ....فهل فهمنا الدرس وهل وعينا القول وهل تنبهنا وهل إعتبرنا بالتجربة ؟؟؟؟؟؟؟؟؟؟

لا أعتقد فنحن نفعل عكس ذلك

نخاف أن نسمع صوت فرج فودة من قبره يذكرنا بدم طاهر جرى من أجل نقاء الفكر وتعظيم العقل وتنقية الفكر ونحن ندفن أنفسنا كالنعام مغلقين أعيننا نسد أذاننا عن الدم الذى يجرى وعن الخراب الذى يسرى وعن الكره الذى يسود ....ثم ماذا؟

لا شيئ وتعرفون لماذا ؟

لأن من قتل فرج فودة مطلق السراح ومن أدان فرج فودة يمرح فى داخل العقول ومن سفك دمه يتبوء المنابر ويتصدر المشاهد ويتنصل من جريمته من أجل كرسى فى البرلمان أو لقاء فى برنامج شهير يرغى ويردد كلاما مرتديا بدلة بيضاء ولكنه كلما رفع يديه رأينا الدم يقطر منها... دم فرج فودة ودم ألاف من البشر وضمير الرجل مات بل أنه سعيد أن الدماء تسيل من بين أصابعه مفتخرا أنه قتل فودة وسيقتل مليون فودة لكى ما يظل هو البطل الذى يقتل ولا يدان

عندما قامت وكسة يناير المشئومة خرج الأقباط بمنتهى العبط ليشاركوا فيها وقد عوقبوا على إعتراضهم على أحداث كنيسة الماريناب فتم دهسهم بمدرعات الجيش وسالت دماء الأبرياء ولكن لأنهم وطنيون ويعلمون دقة المرحلة تناسوا الحدث لكى لا يزيدوا جراح مصر النازف من خيانة النخبة والسياسيين وإنهيار تام لمؤسسات الدولة وحرصا على تماسك ما بقى من الدولة بعد الضربة القاصمة التى وجهها من ثاروا فى ميدان التدمير بلعوا أحزانهم أملا فى غد مختلف .

ثم حدث ان وافق المجلس العسكرى على إعلان دستورى كارثى طرحه للإستفتاء إرضاءا للإخوان المسلمين ومداهنة لهم ووقف الأقباط فى صف الدولة ولكن الكثرة تغلب الشجاعة فتم تصوير الإستفتاء على أنه غزوة الصناديق ووقف الجيش يتفرج وكرة الثلج تكبر لتهبط على المجتمع وتحطمه.

ثم جاء برلمان قندهار وحاول الأقباط إنجاح النواب المدنيين بالتعاون مع الليبراليين ورافضى الدولة الصومالية الأفغانية وحدث نفس الإنكسار ولم يتم إنقاذ البلاد من دواعش مصر إلا بحكم قضائى قضى على برلمان الإخوان والسلفيين ودواعشهم.

ثم كانت القشة التى قصمت ظهر البعير فبعد أن وقف الأقباط عن بكرة أبيهم لإنجاح شفيق وتعاونوا مع أذكياء مصر ورافضى عصر الليمون وغير الإنتهازيين من نشطاء وتجار سياسة إلا أن الجيش خذلهم وأنجح الفاشل وطرد الرئيس الناجح بل إستمر فى إضطهاده حتى اليوم فى تصرف غريب ومريب وغير مقبول فكان أن نجح مرسى والذى حطم الدولة المصرية حتى تركها حطاما مليئا بالفئران تعبث فى أساسات الدولة وما يصلحه السيسى نهارا نجده حطاما فى أخر الليل على يد الخونة الذىن زرعهم الخائن مرسى وتركهم خلايا نائمة كالسرطان ينهش فى جسد الأمة المصرية المصابة أصلا بحمى التعصب والجهل والتطرف.

وعندما وجد الأقباط ان هناك بريق أمل فى وجود السيسي فلم يخافوا ولم يترددوا ونزلوا بكل ما يستطيعون حشده مع باقى الوطنيين المصريين وذابوا فى بوتقة واحدة حتى تم الإنتصار فى 30 يونيو ولم يخش الأقباط من كبيرهم لصغيرهم من تقديم الدعم لحركة التطهير الذى نجح فيها السيسي من طرد الخونة من سدة الحكم ولم ينتظر الأقباط المكافأة من نظام الحكم الجديد ولكن إنتظروا منه العدل وهو ما لم يتحقق ويحاول الأقباط أن يصل صوتهم للسيسي ويتحاملون على أنفسهم حتى مع توجيه النقد فيضعون كل همهم وغضبهم فى إنتقاد الحكومة ويتحاشون حفظا للود مع الرئيس لأن يوجهوا أى نقد مباشر له وكأن الحكومة هى الحاكمة وكأنها تعمل بغير إرادة الرئيس ولكن الأقباط لديهم غصة فى الحلق ويتمنون أن يقوم الرئيس بنفسه بتصحيح الأوضاع وعقاب المسئول عن تهجير الأقباط خلافا للدستور وأن يفرض سلطة الدولة ببناء ما تقرر من كنائس حتى لو رفض السلفيون وأن يصحح الأوضاع السياسية الكارثية من موجة الغزل والعشق السياسي بين السلفيين حلفاء الإخوان وحكومة محاب النائمة فى العسل حتى نصحو فنجد برلمانا سلفيا وحكومة سلفية ونظام حكم سلفى يقودنا إلى هاوية الفشل تماما كما حدث مع الإخوان.

سيدى الرئيس لا يلدغ مؤمن من جحر مرتين ومصر تلدغ من نفس الجحر ومن نفس الأشخاص ومن نفس المنظمات الهدامة ونفس الجماعات المتطرفة ولأى مرض أعرض مثل الحمى والصداع وأعراض المرض الخطير الذى أصاب مصر كلها يظهر كعرض فيما يعانيه فقراء الأقباط فى الصعيد والريف وإذا لم ينتبه الطبيب بأن العرض يخفى مرضا خطيرا فسيفقد المريض حياته ويفقد الطبيب وظيفته وتنتهى الأمور بمأتم وخراب ديار ......فأنت طبيبا ماهرا وربانا ناجحا فلا تترك الدفة لمن لا يعلم كيف يديرها والمركب إللى فيها ريسين تغرق ونحن لا نريد إلا رئسا واحدا هو أنت وأنت فقط لا برهامى و لا أصحابه

بمناسبة تصفيات كأس الربيع العربى تحت رعاية شركة بومة أوباما مازالت المباريات تجرى بواسطة تحكيم متحيز ومرتشى ولا يريد أن يحكم بالعدل ولكنه يمد المباريات بوقت إضافى غير مبرر وذلك لإتاحة الفرصة لأصحاب صاحب الكأس الحاج أوباما بن لادن البغدادى على أمل أن ينتهى الدورى بفوز كل الفرق التى يريدها البومة أن تكسب.

وعندما بدأت التصفيات الأولية لمباريات الربيع العربى إنتهت كل مباريات الدور الأول بالهزيمة لكل الدول التى تلاعب فريق الربيع العربى فكانت النتائج 6/ صفر حيث إنهزمت العراق وإنهزمت سوريا وإنهزمت اليمن فى التصفيات الأسيوية وإنهزمت مصر فى الجولة الأولى كما إنهزمت ليبيا وتونس فى التصفيات الأفريقية بهزيمة ساحقة فتصور الجميع أن دورة الإعادة ستنتهى بنفس النتائج وتخرج تلك الدول من التصفيات العالمية فلا تعود تظهر فى المجتمع العالمى بعد محوها بأستيكة بواسطة فريق الربيع العربى المدعوم بالمال الأمريكى والكوتش الأمريكانى أوباما ومساعدته كلينتون والتى تم إستبدالها لإصابتها بأعراض سن اليأس والألزهايمر بالمدرب المساعد كيرى.

ثم جاءت دورة الإعادة فتأكدت هزيمة العراق ب ثلاثة أهداف متباعدة أحرزهم مهاجم الربيع العربى أحمد سنى وعلى شيعى وبرزانى الكردى لينتهى الجيم العراقى الذى خرج ممزقا ومقطعا وفاقدا للأمل فى عودته مرة أخرى للتصفيات.

وتكررت الهزائم للفريق اليمنى والسورى وإن كان الفريق السورى مازال يلعب فى الوقت الضائع ويحتاج لمعجزة لتسجيل عشرة أهداف فى خمس دقائق بعد أن إحتسب الحكم الأمريكانى 11 هدفا من تسلل واضح رغم إعتراض المساعد الروسى الذى يشارك فى الماتش ولكنه لا يمتلك الصفارة أما اليمن فقد تم إحتساب المبارتين لصالح الربيع العربى والقاعدة وذلك لثبوت تعاطى اللاعبين القات السياسي.

أما فى ليبيا فقد إنتهت المباراة بهزيمة ساحقة للدولة الليبية ونظرا لإفتقار الليبين للخبرة والحنكة الدولية بعد أن منع عنهم القذافى أى معسكرات خارجية للتدريب وتم تجميع الفريق من عواجيز الفرح فتمت الهزيمة رايح جاى بعشرين هدف دون رد مما إستدعى الحكم الأمريكانى ومساعده الأوربى بإعلان فوز فريق القاعدة وداعش لعدم التكافؤ ومنح أبو مصعب الليبى كأس الربيع العربى على جثة القذافى المدير الفنى الخايب للفريق الليبى

أما فى تونس فبعد هزيمة غير متوقعة فى المباراة الأولى واحد صفر تم تغيير المدرب بمدرب عجوز إسمه السبسى إستطاع أن ينهى المبارة بخمسة أهداف نظيفة ليفوز الفريق التونسى ويخرج فريق الربيع بهزيمة نكراء ليثبت السبسى أن الدهن فى العتاقى

أما فى مصر فقد إنتهت الجولة الأولى بفوز فريق الإخوان والمدعوم بعناصر سلفية ونوشتاء سياسيين بخمسة أهداف نظيفة مما أعطى الإحساس بهزيمة فريق الدولة المصرية فى جولة الإعادة ولكن الشعب المصرى إستبدل المدرب النمساوى البرادعى بمدرب وطنى إسمه السيسي والذى أشعل حماس اللاعبين المصريين وإستطاع أن يقلب الطاولة على الفريق المنافس وأن يحرز 3 أهداف فى الشوط الأول وأن يحرز هدفين فى الشوط الثانى وفى الوقت الإضافى تصعبت المبارة حيث قام الحكم الأمريكانى أوباما بطرد 3 لاعبين مصريين دون سبب ومنع صرف المية المعونة المقررة للاعبين كى يعطشوا ليمنع المصريين من الفوز وأخذ يذيع الأغانى بميكرفونات قناة الجزيرة لبث الرعب فى قلوب اللاعبين المصريين و قد سجل الإخوان هدفا فى بداية الشوط الأول الإضافى فتكهرب الماتش وظهر وكأن الإخوان سيكسبون إلا أن الفريق المصرى سجل 3 أهداف متتالية لتصبح النتيجة 8/ 7 فجن جنون الحكم فإحتسب 5 ضربات جزاء صدهم الحارس المصرى جندى مجند مصرى إبن مصرى فهاج الحكم وأطلق عليه النار لقتله لكنه يتحامل على نفسه لتكملة المباراة ومازال الحكم الأوبامى يمد فى الوقت الضائع أملا فى أن يحرز الإخوان هدفا يحتسب بإثتنين فينهزم الفريق المصرى ويخرج من التصفيات إلا أن الجنود المصريين ثابتين بقيادة المعلم السيسي وسيخيب أمل أوباما وسينكسر فريق الربيع العربى الخائن على صخرة مصر كما تحطم على شواطئ تونس  ليتحد السبسى مع السيسي ويجيب نقطة للإخوان وراعيهم الحاج أوباما منظم دورى الربيع العربى

السلفيين وأعوانهم خرجوا على السادات وقتلوه بالرغم من أنه أطلق لهم العنان ليفترسوا فكر الشباب وأطلق السادات على نفسه لقب الرئيس المؤمن وأسمى الدولة دولة العلم والإيمان وتركهم يمرحون فى الدولة حتى قتله نفس التيار الذى أنشأه وكان جزاءه مثل جزاء سنمار فخانوه وقتلوه.

وجاء مبارك وأخرجهم من السجون وأعطاهم الأمان وترك لهم الحبل على الغارب وحينما ظهرت بوادر تمرد يناير حتى أفتوا بتحريم الخروج على الحاكم ولكن بعد أن أفلت شمس مبارك تحولوا إلى النقيض وهاجوا على مبارك وقالوا فيه ما قاله مالك فى الخمر وفى نهاية الأمر خانوه.

وجاء مرسى وجاروه فى سعيه لتدمير الدولة ووقفوا معه طمعا فى تورتة الحكم وعندما إختلفوا على السلطة خانته قيادات السلفيين وتأخرت القواعد الشعبية عن خيانة مرسى وذهبوا إلى رابعة وكونوا العمود الفقرى لبؤرتى رابعة والنهضة وعندما بدأ الضرب خرجوا من الممرات الأمنة ليختفوا من المشهد الدموى ولأن  السيسى ظهر أنه هو المنتصر مع جموع المدنيين الذين يرفضون الإخوان وذهب السلفيين من رابعة إلى بيوتهم وغسلوا وجوههم من تراب معركة الفض ولبسوا حلة جديدة وذهبوا إلى التحرير تأييدا للسيسي وذهب قادتهم ليجلسوا مع قادة البلد الجدد وخانوا مرسى من أجل النفاق وليس ثباتا على مبدأ وإبتدأوا صفحة جديدة من نفاق الحاكم

وجاء السيسى وبات النفاق على أشده وإنطلقوا فى الإعلام أسرع من إنتشار النار فى الهشيم يمجدون فيه ويعلنون تأييدهم المطلق له ويبدأون حديثم برفع آيات الشكر والحمد والرفعة للسيسي قبل أن يقولوا بسم الله وبين كل جملة وجملة يعلنون هذا التأييد حتى يتوه المستمع ولا يعرف عن ماذا يتحدث السلفى وقد خال هذا النفاق على السياسيين السذج وتصوروا أن السلفيين هم مثل الخاتم فى صباع الرئيس وأنهم الجنود الأوفياء والذى سيتم بهم ضرب الإخوان والخلاص منهم مع أنهم يعملون سويا بطريقة  أنا وأخويا السلفى على الإخوانى إبن عمى وأنا السلفى والإخونى على الغريب وهم دعاة الدولة المدنية.

وهكذا خالت الحيلة على الحكومة ومخططى سياسة الدولة فأبقوا على حزب النور السلفى الدينى المتطرف وفرع داعش المصرى ويتعامون عنه ويقبلونه بسذاجة أو بتواطئ على الدولة وبتحايل على نص الدستور الصريح حتى وجدنا أننا أمام غولا سيلتهم الإنتخابات القادمة وسيكون الشريك الفعلى للحكم حتى تحين الفرصة ليطيحوا بالرئيس وينصبون أنفسهم حكاما جدد لمصر تماما كما حدثت فى أيام الإخوان السوداء.

لا يلدغ مؤمن من جحر مرتين ونحن أدمنا اللدغ واللدغة القادمة من السلفيين وحزب النور الداعشى فخلى بالك يا سيسى فهذا التيار حاول قتل عبد الناصر و قتل السادات وباع مبارك وخان مرسى حليفهم فما الذى يمنعهم من خيانتك أنت وكلنا يعرف أنه يموت الزمار وصباعه بيلعب ويعيش السلفى ويموت مهادنا للحاكم حتى يسقط وعندها يقفزون على الحكم أو فى أسوء الظروف يصرخون مات الملك عاش الملك

بالنسبة للى معترضين على ترشيح مزدوجى الجنسية للبرلمان بأقول لهم ياريت يكون كل النواب مزدوجى الجنسية لعدة أسباب

أولا المصرى إللى عايش فى الخارج غالبا بيكون وطنى بجد فبرغم إنه خرج يبحث عن حياة أفضل من الغلب إللى شافه إلا أنه بيكون مرتبط عاطفيا ووطنيا ووجدانيا بالوطن أكثر من إللى متشعلق فى الإتوبيس وطلعان عينه وعمال يتذمر على العيش والعيشة وإللى عايشينها وما يعرفش قيمة الوطن غير إللى نفسه يرجع تانى لحضن بلده مصر

ثانيا المصرى إللى عايش بالخارج ممكن يقدم أفكار من خارج الصندوق ويعطى أفكارا من وحى الحياة والنظام الذى يراه فى الخارج ولا يتواجد فى مصر مثلها ويحاول تطبيق أشياء لا يعرفها إلا من عاش فى الخارج فعلى سبيل المثال هناك إختراعات لم تظهر فى مصر حتى الأن وهناك حوالى 100% من الشعب المصرى الذى لم يسافر إلى الخارج لا يعرف عنها شيئا ولا يعرف كيف يستخدمها مثل إشارات المرور أو الإلتزام العفوى بالطابور و على العكس يجهل مزدوجى الجنسية الإختراع المصرى الصميم والذى لا يوجد إلا فى مصر وهو إختراع إنت عارف إنت بتكلم مين؟ وكذلك وتفتيح المخ وخرم التعريفة أو دهان الهوا بالدوكو

ثالثا المصرى المزدوج الجنسية يعرف معنى قبول الأخر ويقبله وبالتالى أفكاره ستكون فى نفس الإطار وكلنا عارفين أن الإناء بينضح بما فيه

رابعا المصرى مزدوج الجنسية مش حا يهمه حد ويمتلك حرية غير مسبوقة ويوم ما تضيق به الحال حا يرجع مكانه ويادار مادخلك شر فلذلك سيكون أكثر جرأة وأكثر تحررا فكريا وسياسيا

خامسا المصرى مزدوج الجنسية غالبا بيقبض من شغله بالعملة الصعبة يعنى عينه مليانه لا حا يبص  على مكافأة أو بيشتغل فى تهريب المخدرات وبالتالى سيكون أكثر غنى من كثيرين يريدون أن يدخلوا البرلمان طمعا فى الحصانة وبعدها يهلبوا من تحت لتحت

طبعا أنا أتكلم عن مزدوجى الجنسية ومجبتش سيرة الخرفان لأن بالطبع ما ينفعش إن خروف مهما كان جنسيته أسترالى صومالى تركى هندى بنجلاديشى أو أفغانى ينفع يخش البرلمان علشان كلنا عارفين إن فصيلة الخرفان دى مش فصيلة بنى أدمين وطبعا مش معقول حا نقبل إن البرلمان بتاعنا يخشه خرفان محلى أو مستورد طازج مبرد أو مجمد فالخرفان لا تتواجد غير فى الحظيرة أو عند الجزار أو مشوية على الفحم أو على الشواية أو مطبوخة مع شوية ملوخية وحتى الكوسة ما ينفعش تتاكل معاها

عرفتوا بقى فوايد مزدوجى الجنسية

الخرفان يمتنعون

لقد أسمعت لو ناديت حيا ولكن لا حياة لمن تنادى هو ده الحاصل اليوم وهو ده قول الشاعر الفارس عمرو بن معدي كرب بن ربيعة الزبيدي، الذي عاش بين 525 ـ 642م وهو ده قول سعد زغلول سنة  1919مفيش فايدة  وهو هو قول المصرى من رابع المستحيلات فى القرن العشرين وقوله كبر الجى (الجمجمة) وروق الدى (الدماغ) فى القرن الواحد والعشرين حتى صارت القاعدة يا عم دماغك سيبها تولع.

أقول هذا الكلام بمناسبة دستور عمرو موسى إللى ماشى على خطى أم أيمن بس مع وضع شوية مكياج وكعب عالى بس إللى فى القلب فى القلب وبعد ما كان الإخوان والسلفيين إيد واحدة جاءت المفاجأة المؤلمة أن الأزهر والسلفيين إتحدوا معا فى مواجهة القوى المدنية لإقرار دستور دينى.

فجأة بقينا بندور على هويتنا فجأة لقينا إن مشكلة مصر إنها دولة كافرة عايزه تربية فجأة لقينا إن الدستور ما يبقاش مدنى فجأة لقينا إننا محتاجين لكل حاجة تتعرض على هيئة كبار العلماء لأنهم بيعرفوا فى الطب والهندسة والإقتصاد وكل نواحى الحياة أما المتخصصون فدول جهلة ما بيعرفوش حاجة ورأيهم إستشارى  وغير ملزم.

يا ناس المشكلة إقتصادية المشكلة مشكلة مادية المشكلة إننا محتاجين نعلم عيالنا صح ونربى أجيال على البحث العلمى والتقدم ..عندنا موارد ودولة فقيرة عندنا سياحة ومعندناش سياح عندنا مية وأرض خصبة وزراعتنا متخلفة عندنا عقول ذكية وعندنا نسبة عالية من الأمية العلمية والثقافية ...يا ناس عندنا مشكلة إدارة وعندنا إهدار للموارد والإمكانات إحنا ماشيين عكس الإتجاه وبنرجع لورا ...إصحوا يا عالم ..دستور يا إخوانا يرفع قيمة العلم ويساوى بين البشر ...لستم آلهة تحكموا الناس بالدين وتقيموا يوم القيامة على الأرض ..مصر تريد الحرية والعدل والمساواة والتقدم والرخاء فهل تسمعونا أم أنه لقد أسمعت لو ناديت حيا ولكن لا حياة لمن تنادى

مع حلول الذكرى الثانية عشر لهزيمة الإرهاب للعالم والإطاحة بكل قيم الحب التى تجلت واضحة فى 11 سبتمبر 2001 وفى ظل توالى الهزائم للعالم الحر وإنتصار قوى الشر على البشرية فبعد أن ظننا أن تلك الضربة ستفيق العالم لينتفض ويدحر هذا الفكر الشرير ويوفر السلام للبشر إلا أن من قادوا تلك العملية إما مندفعون بحماقة أو متواطئون وخونة فكانت النتيجة أن الإرهاب العلنى إختفى أو توارى وترسخ فى أنحاء العالم يتسلل مثل المرض الخبيث حتى يتمكن من الضحية.

فقد تصدى بكل حماس الرئيس بوش للإرهاب وأعلن الحرب عليه وحقق نجاحات عسكرية فى البداية ثم إنهزم بعد أن صور له مستشارى السوء أن القضاء على بن لادن وأعوانه فى أفغانستان سينهى هذا الفيلم الأمريكى بسرعة فتم الإكتفاء بنجاح جزئى وتغاضوا عن إكمال المهمة لكى ما تطول إعتقادا منهم أن ذلك سيظهر أمريكا فى دور البطلة التى تحارب الإرهاب بكل همة مهما طال الزمن فتركوا أفغانستان رأس الأفعى وتركوا بن لادن وإتجهوا للإتجاه الخاطئ وحطموا العراق وإنهزموا فيها فلا طالوا بلح الشام أو عنب اليمن فخرجوا مهزومين من العراق وسيتركوا أفغانستان هدية لطالبان كما تركوا العراق سوفينير لإيران.

ورحل بوش المخلص غير الحكيم ليحل محله عضو جماعة الإخوان والخلية النشطة أوباما بن لادن ليحل هذا الإرهابى رئيسا لأمريكا التى من المفترض أن تكون محاربة الإرهاب لتتحول إلى الراعى الرسمى للإرهاب ويتولى أوباما زعامة الإرهاب بدلا من أستاذه أسامة وكما فعل أسامة بالتخلص من شريكه عبد الله عزام تخلص أوباما من شريكه أسامة ليتولى منفردا زعامة الإرهاب متخفيا فى صورة رئيس أمريكا.

وخرج الشرير أوباما ليسهل مهمة إستيلاء الإخوان على الحكم فى بلاد الشرق الأوسط فسقطت تونس ثم مصر ثم ليبيا بسهولة وسط غفوة الشعوب التى تم إستدراجها للفخ بإسم الديمقراطية وتم تجنيد الطابور الخامس ممن يظهروا وكأنهم ليبراليين متحررين بينما هم ينفذون أوامر سيدهم بالبيت الأبيض مستريحى الضمير لإنتفاخ أرصدتهم بالدولار الأخضر الدواء السحرى للنفس البشرية الأمارة بالسوء ثم توجه الشرير لسوريا لإسقاطها وعندما تمنعت خرج أوباما بنفس الدور الذى كان يقوم به أسامة بالتحريض والتهديد والخطب المذاعة فى الجزيرة والحشد لتدمير سوريا تحت مزاعم الحرية والديمقراطية....وها هو أوباما بن لادن يستمر فى طريق سيده أسامة وبدلا من أن يقود أمريكا رجل سلام ليحل السلام فى العالم يأتى 11 سبتمبر 2013 وعلى رأس أكبر دولة إرهابيا يسمى أوباما بن لادن

الفيروسات ليها طريقة متفردة فى أذية البنى أدمين فالفيروس ما هواش كائن حى لأنه أدنى حتى من البكتريا والطفيليات ولا حتى محصلش خلية على بعضها لأن الفيروس ما فيهوش نواة تقدر تتكاثر من نفسها فتلجأ لخطوة دنيئة جدا هى إختراق الخلية المراد إصابتها وتتطفل عليها وتستولى على قلب الخلية ويدمرها و يحولها إلى عبده له تنتج خلايا مثله وتبدأ الخلية المصابة فى ترك وظيفتها الأصلية وتتحول إلى خادمة مطيعة تخضع لأوامر الفيروس المحتل لتخريب الجسم  وتحويله إلى جسم مريض قادر على عدوى آخرين وينشر المرض البغيض لكل المجتمع.

وبعد حصة البيولوجى والأحياء دى نوصل لأن الإخوان هم نوع من الفيروسات القاتلة مثل فيروس الإيدز غير قادر بنفسه على شيئ مفيد ولكنه يسعى لكى يعيش أن يجد ضحية فيبدأ فى إختراق نواة الفكر لديه وعندما يفقد الإنسان السيطرة على فكره يتحول إلى شخص إخوانى لا يفكر إلا بطريقة الغازى الجديد له ولا يفرق هذا الإنسان المحتل والمختل عقله والفاقد للسيطرة بين من لا يعرف الألف من كوز الدرة و بين صعيدى أو فلاح بيفلح فى أرضه  وبين أستاذ جامعة وأعلى المثقفين والمتعلمين وبين من يدعوا أنهم نخبة وهم فى الحقيقة .....خلو الطابق مستور.

وواحد ورا التانى ينتشر الفيروس ليصيب المجتمع بالمرض بالشلل وضعف المناعة ويشجع البكتريا الضعيفة لتتحول لبكتريا شرسة تمزق جسد المريض وتحول نزلة البرد الشديدة إلى إلتهاب رئوى قد يؤدى إلى فشل تنفسى ووفاة المريض وتحوله لجثة تتعفن ويجب دفنها حفاظا على سلامة المجتمع حتى لو كان المصاب من علية القوم وأغناها.

والأن بعد أن شخصنا مرض فيروس الإخوان يجب أن نبحث عن تطعيم فعال يجب أن نخترعه ونطعم المجتمع ضد هذا الفيروس القاتل وأيضا نجد علاج ضد البكتريا صاحبة ورفيقة هذا الفيروس ونقف ضد مظاهرة (الفيروس والبكتريا أيد واحدة) ونفرض عليهم حظر التجول 24 ساعة لغاية ما نجد العلاج بالتطعيم المناسب لفيروس الإخوان والمضاد الحيوى المضاد لبكتريا التطرف التى تتحفز للقضاء على المجتمع ويجب أيضا أن نقف فى صف الطبيب الذى يعالج البلد من هذا الوباء ولا نجعل يد الجراح ترتعش وهى تنظف هذا الخراج والغرغرينا وحتى لو إتخذ قرار ببتر العضو المريض فالحياة أغلى من أن نضحى بها من أجل فيروس أو بكتريا تريد أن تقتلنا وتمنعنا من أن نخرج للعمل والتقدم ويا شعبنا المصرى إستعينوا بالمطهرات الموضعية حتى نوقف العدوى بفيروس الإخوان وبكتريا إخوانهم المتطرفين

بعد أن شارف مشروع الإخوان على الوصول للمحطة النهائية للفشل وبعد أن فشل مشروعهم للإستيلاء على سوريا وبعد فشل الإخوان فى إقامة دولتهم القوية فى ليبيا وبعد أن قاربت تونس على التمرد على الإخوان لكى ما يلحقوا بإخوان مصر وبعد هزيمة المشروع الأمريكى الإخوانى برعاية أوباما بن لادن قررت أمريكا أن تقلب الترابيزة من جديد لتجد مبررا للتدخل العسكرى وفرض حكم الإخوان مرة أخرى لكن هذه المرة بالقوة العسكرية فماذا فعلت؟

من ينظر إلى كارثة إستخدام الغازات السامة والمواد الكيمياوية فى سوريا يحزن للضحايا ثم يغضب على الفاعل.. فمن الفاعل إذن؟ والجواب العفوى والذى تغذيه الماكينة الإعلامية الأمريكية ومن يتبعهم بغباء (لو حسنت النيات) أو عن عمد (لسوء النيات) هو أن الفاعل هو نظام الأسد القاسى والديكتاتورى وووووووو(حسب التوصيف الأمريكانى القطرى) فبناء على ما تقدم يجب أن يعاقب الأسد وأن يهجم عليه الأسطول السادس والسابع والعاشر بصواريخ كروز حتى يتم تسوية سوريا بالأرض ثم يدخل أوباما على حصانه الأبيض ليسلم سوريا للقاعدة تسليم مفتاح ويعلن تنصيب أيمن الظواهرى رئيسا لإمارة سوريا الإرهابية بعد أن ينعم الحاكم العسكرى الأمريكى بمنح زعيم القاعدة الجنسية السورية لبطل الإرهاب.

لكن السؤال هل أصاب الأسد الجنون أن يضرب الغوطة بالسلاح المحرم دوليا وهناك لجنة دولية قادمة للتحقيق فى حوادث أقل خطورة وهل وصل الغباء أن تكون تلك اللجنة على بعد 20 دقيقة مشى من الحادثة ويقوم بإلقاء الصواريخ ثم نرى الجثث بالمئات وربما بالألاف ؟ وتعليقى هنا هو أن كذب مساوى ولا صدق منعكش فلو أقدم الأسد على تلك الغلطة فهو بمثابة إنتحار سياسي ولكن لو إنكشف الملعوب وتبين حقيقة أن ثوار أوباما هم الفاعلون ستكون أكبر ضربة قاضية على أوباما بن لادن الذى يحضر لغزو سوريا فإن نجح سيغزو مصر وهو ما لن يحدث حتى لو شاف حلمة ودنه.

مؤامرة الشرق الأوسط كبيرة وهناك إصرار على تنفيذها حتى لو جرت العالم لحرب عالمية ثالثة فهناك غباء أمريكى مستحكم وهناك دولا أوربية عاملة زى التور إللى داير فى الساقية الأمريكية وهناك أيضا الدب الروسى الذى إستعاد عافيته والمارد الصينى الأصفر الذى سيحل محل الإمبراطورية الأمريكية الغبية التى أنهكت نفسها فى حروب دون كيىشوت وبدل من أن تنشر الرخاء فى العالم إحترفت نشر الحروب وتورطت إقتصاديا وستنهار قريبا لو إستمرت فى إحتراف الكذب والمشى وراء الإخوان وإنتو عارفين إللى يمشى ورا الإخوان زى إللى يمشى ورا العيال ..يجرى لهم أيه ؟

أضحك والا أبكى؟  أفرح أم أحزن؟ أتفائل أم أتشائم؟ أطمئن وأستريح أم أصاب بالقلق والإكتئاب؟ ... إنها مشاعر متضاربة أصابتنى وأصابت كثير من المصريين الوطنيين فالمشهد مضطرب والصورة مهزوزة والمستقبل مجهول

هل أفرح لزوال إعتصام المجرمين الخونة أم أحزن من أجل حرق الكنائس وبيوت ومتاجر الأقباط؟

هل أفرح من أجل عودة الشرطة لأداء واجبها من أجل الوطن أم أحزن على شهداء الشرطة والذى تم التمثيل بجثثهم من وحوش كاسرة؟

هل افرح من أجل زوال تيار التكفير من حكم مصر أم أحزن وأنا أرى الجموع المغيبة بالفقر والجهل والتطرف وهى تخرج بالألاف فى مدن أوكار الإخوان وهم يتحدون مصر والمصريين ببجاحة منقطعة النظير؟

هل افرح بزوال البلطاجى وعريانه ومرشده كما زال مرسى من المشهد السياسى أم أحزن من أنهم هربوا من يد العدالة ؟سواء هربوا أو تم تهريبهم من يد الشرطة وتحولهم إلى خفافيش ظلام يعبثون فى مصر وسط الظلام

هل أفرح بشجاعة البابا تاوضروس فى موقفه الواضح من أجل مصر وكرامتها أم احزن على البيانات الغامضة التى تمسك العصى من المنتصف؟

هل أفرح بتعليقات أصدقائى المحبين على الفيس بوك تواسى الأقباط على مصيبتهم وحبهم لمصر ام احزن لأصدقاء آخرين يغردون بتغريدات شريرة ويفخرون أنهم قد تحولوا لإرهابيين فكريين مهددين الأقباط بأن الدور عليهم دون حد أدنى لمشاعر الصداقة أو العقل والتعقل وضبط النفس؟

هل أفرح لإستقالة البرادعى وإنتحاره السياسي أم أحزن على العقول المغيبة والتى كانت تنظر لهذا الشيئ على أنه المهدى المنتظر بينما كان من قبل يناير 2011 وبعدها السوط الذى يلهب ظهر مصر ويدفعها دفعا لسقوطها فى يد الإخوان خونة مصر؟

هل أفرح بعودة تلفيزيون مصر لدوره الرشيد الوطنى بجانب القنوات الوطنية المخلصة أم أحزن من قنوات الغربان التى تنعق بالخراب والدمار مطلقة السراح تعربد فى الفضاء من خلال النيل سات القمر المصرى الخالص؟

هل افرح من اجل عودة المرور لإشارة رابعة وتحرير تمثال نهضة مصر من يد من يريدوا دمار مصر أم أحزن لمشاهد الصعيد والريف والذى يوحى بنفس رائحة الموت القادمة من سوريا حمص وحلب؟

هل أفرح بعودة روح الوطنية وعودة حزب الكنبة للحياة أم احزن بأن هناك احزابا أخرى تنتهج نهج مخالف للوطنية بإسم الدين تمرح وتلعب فى الخفاء لتقويض كل ما نفعله؟

هل أفرح من أجل زوال الإخوان الغربان الذين كانوا ينتهجوا نهج يا أحكمكم يا أحرقكم أم أخاف على مصر من حرب أهلية يقودها الخونة وأنصارهم؟

وأخيرا قررت أن أن أدعوكم أن لا تفرحوا أو تحزنوا بل تعملوا من أجل مصر وإعادة بناء ما دمره هؤلاء الخونة وأن تعود مصر للمصريين وان نكون واحدا لا فرق بين مصرى وأخر إلا بعمله وإخلاصه لمصر فلنعود ونبنى جامع رابعة ونعود نبنى كنائس مصر المحروقة لكى ما يدخل كل مصرى إلى محراب تعبده يرفع يده طالبا السلامة لمصر ويقول إدخلوها آمنين و مبارك شعبى مصر

أيه المشكلة إن أثيوبيا حولت مجرى النيل وحا تبنى سد النهضة أيه يعنى لما تقطع علينا المية والنور أيه يعنى لما الأرض الخصبة تبور أيه يعنى لما نبل السد العالى ونشرب ميته أيه يعنى لما نعمل عواميد كابلات الكهربا القادمة من السد العالى حبل غسيل ننشر عليه غسيلنا القذر ما هو إحنا مش حنلاقى مية نغسل بيها الغسيل بتاعنا ونحوله لغسيل نظيف أيه يعنى لما مرسى يروح مرسى أثيوبيا وتقابله وزيرة كانت معدية من قدام المطار بالصدفة وأيه يعنى لما مرسى يرجع من هناك وفى أيده خازوق النهضة يعنى هى أول مرة يجيب لنا خازوق بنفس الأسم .

طبعا إحنا مستنين تقرير اللجنة المنبثقة عن لجنة وطبعا حا تطلع اللجنة مطلعه تقرير يبصم عليه مرسى بالعشرة وهو إن سد النهضة حا يزود نصيب مصر من المية وإننا نشكر أثيوبيا على مجهودها فى مراعاة مصالح مصر ويمكن نعمل تمثال لسد النهضة ونحطه فى ميدان التحرير ولكن حا أقول لكم الخلاصة إللى لا محتاجة لجنة ولا غيره طبعا أثيوبيا غيرت مجرى النيل علشان تبنى السد فأثناء البناء لن ينقص مصر نقطة مية واحدة لأن السد لا يعمل لكن بعد السد ما يتبنى حا تبتدى أثيوبيا تحوش ميه فحا تجيب المية منين ؟ والإجابة بمنتهى البساطة من المية إللى رايحه لمصر وساعتها مصر حا تشرب من البحر.

وطبعا عقبال ما تتملى البحيرة ورا السد يكون فات ييجى عشر سنين فحتى لو رجعت حصة مصر زى ما كانت حا نكون شفطنا المية الموجودة فى بحيرة ناصر وعايزين ييجى كمان عشر سنين علشان نرجع لمستوى المية الموجودة النهارده ده غير إن تعداد مصر فى وجود حملة تزويد النسل (مش تنظيم النسل بتاعت ناصر سادات مبارك الوحشين) مصر يكون عددها وصل لمية وخمسين مليون وفى هذا الوقت سنحتاج لثلاثة أضعاف ما نحتاجه الأن لأن الأرض إللى حا تبور أثناء بناء السد وتوابعه حا تحتاج لضعف كمية الميه المطلوبة لتعود للإنتاج بالأضافة للزيادة المطلوبة لسد أفواه وأرانب برعاية الخرفان.

دى هى الخلاصة وطالما مرسى وإخوانه مش فاضيين للكلام الفارغ ده وعندهم قضية مصيرية لتغيير مديرة الأوبرا وتعيين الحاجة بخاطرها مطرحها ده بالأضافة إلى لعبة تأجيل الإنتخابات علشان الدستورية ترفضها فيعملوا واحدة تانية مضروبة ونعيد الكره وننسى فى نفس الوقت إننا سايبين نسيب مرسى ماسك الشورى وعمال يألف ويلحن منولوجات تنفع أسماعيل ياسين  مش مصر المحروسة وخلينا ماشيين فى الزفة وأهى نهضة مرسى ما نفعتش وجيبنا معاها نهضة مستوردة بطعم الفاكهة وكل نهضة وإنتو طيبين

تحية إعزاز و تقدير لرئيسنا مرسى للموقف الرائع والحازم والمساند لنا منذ عملية خطف جنود جيش مصر والمحافظة على أرواحنا والعمل على تحقيق أهدافنا والتى ستساعد فى الحفاظ على كياننا والعمل على سيادة هذا الكيان على مصر لتكون زعيمة المنظومة التى نحلم بها كما نشيد بحكمة مرسى فى عدم الإنصات للأصوات الجاهلة والتى كانت تخالف رؤية سيادة الرئيس وكانت تدفع فى إتخاذ قرارات حمقاء تضر جماعتنا وتضعف من قوة الدفع الذى حصلنا عليه منذ عودة الحرية المطلقة لمن كان يتم الحجر عليهم من قبل النظام السابق فبعد إنتخاب الرئيس مرسى بالرغم من تحفظنا على الوسيلة التى وصل لها لمخالفتها لما نؤمن به ولكن الغاية تبرر الوسيلة قد حققنا نجاحا غير مسبوق كما أننا نهيب بالسيد الرئيس بالإطاحة بمن يعيق الرئيس من تنفيذ خطته لنهضتنا وتحقيق النصر النهائى لدولتنا القادمة

التوقيع

خاطفى الجنود المصريين

بالنيابة عن تنظيم القاعدة

وبالأصالة عن الدكتور الظواهرى من كهفه الجديد بسيناء

الرسالة دى هى الرسالة الحقيقية التى يجب أن يرسلها خاطفى الجنود المصريين من أجل مرمطة الجيش المصرى والإطاحة بقيادتها تمهيدا لأخونة الجيش علشان يبقى فاضل القضاء وبكده تبقى الدولة بقت فى جيب الساعة الصغير للمرشد والإخوان ويتم تحقيق تحويل مصر لولاية صغننه فى الخلافة الإخوانية وتتحقق نظرية طظ فى مصر فى سنة واحدة سودة عليكى يا مصر

مأساة خطف جنودنا كشفت المستور وفضحت كل شيئ فأولا بصمنا بالعشرة إن دولتنا إنهارت وأصبحت لعبة فى أيد إللى يسوى وإللى ما يسواش وبقينا هفية فى المنطقة وأى إرهابى برشاش أو حتى بمطوة قادر على تركيع مصر وكمان التهريج فى التصريحات والمياصة فى حل مشاكل لا تحتمل إلا القسوة فى الرد للحفاظ على هيبة البلد فتحولت مصر العظيمة إلى حاجة كده زى الصومال بدون حكم أو دولة ولا يوجد بها إلا الفقر وشبح الموت والجهل والتخلف.

بنقول لحكام مصر إحنا لو جبنا بتاع بطاطا وسيبنا له الموضوع كان حا يتصرف أحسن من كده لو بتاع الفول إللى كان بيبيع الفول تحت بيت الريس ورحل بعد إنتخابه كان موقفه حا يكون حاسم فتخيلوا إننا بنتحكم بمستوى أقل من هؤلاء البسطاء وتعرفوا قد أيه إحنا إنحدرنا وبقينا فى أسفل السافلين وعلشان كده مفيش غير إننا نقرا الرسالة مرة تانية ونتأملها بعد ما عرفنا مين إللى باعتها وتعرفوا إننا رحنا فى داهية خلاص و على رأى مرزوق العتقى وهو غارق فى بحر الظلمات وهو يصرخ ويقول وراحت المركب ستميت حتة

من عجائب الزمن المصرى والخيبة القوية المسماة بعيد عنكم ثورة إن إللى يحكم مصر دونا عن 90 مليون مصرى واحد هارب من اللومان وتهمته إللى ما أنصفهوش القضاء فيها أى أنها محل فحص وتمحيص هى تهمة الخيانة العظمى بالتخابر مع دول أجنبية ضد صالح مصر وصحيح إن المتهم برئ حتى تثبت إدانته فإن السجين يظل سجينا حتى يحكم القاضى بالإفراج عنه سواء لإدانته أو إنتهاء مدة الحبس الإحتياطى .

ونكمل العجايب إن الرئيس السابق مبارك محبوس بدون تهمة ودون سند قانونى مقنع بل هو شغل الألعوبانات ولوى أعناق القانون وإستغلال السلطات الممنوحة بأقصى درجات التعنت والتلكيك بصورة تدعو للغثيان فقد حاولوا إرهاب القضاة لإعدام مبارك ولكن ثبت أن جميع المطلوبين فى القضية لا توجد عليهم أدلة فحكم عليهم بالبراءة لعدم وجود أدلة قطعية وتم الحكم على الرئيس مبارك بشكل سياسى لإمتصاص غضب من توهموا أن العيب فى مبارك فإن ذهب عم الخير وساد الأمن والرخاء وهو ما ثبت أنه ليس صحيحا بل هو المغالطة بعينها وتحولت القضية للنقض الذى سيحكم بعيدا عن الشو الإعلامى ولو ثبتت التهمة لعاقب مبارك على فعلته وإن ثبتت براءته سيحكم بالبراءة دون خوف وسط تزايد القناعة بأن مبارك حاول حماية الدولة فأوقف إراقة الدماء ولكن من تولوا بعده من مجلس عسكرى وإخوان أراقوا من الدماء الكثير حتى أصبحت الدماء المصرية رخيصة يسفكها من يشاء وقتما يحلو له.

طبعا هناك نائب ملاكى يستخرج من جرابه كل الحيل لإبقاء مبارك فى محبسه وحتى بعد أن فشلت محاولات قتل مبارك بالإهمال فى سجن طرة وبعد أن إبتسم الرجل من خلف القضبان فثارت ثورة الإخوان وقرروا إعدامه بإرساله لسجن طرة حتى يعود للسقوط فى دورات المياة وهناك سؤال بسيط لمن أفتى بإستطاعة سجن طرة أن يستوعب حالة مبارك لماذا لم يخدش مبارك فى مستشفى المعادى حيث أنها مستشفى تليق بالبشر بينما تكسرت ضلوع الرجل الكهل من كثرة سقوطه هناك هل لأن مستشفى المعادى بلاطها من النوع الرخيص الخشن الذى لا يزحلق أحد بينما سجن طرة مفروش بالرخام الأملس الذى يزحلق من يمشى عليه حتى لو كان حافى.

وسؤال أخر للنايب الإخوانى لماذا لم تخرج الإتهامات العبيطة بتاعت قصور الرئاسة إلا الأن ولماذا حشرتم أبناء مبارك فى القضية وهم ليسو موظفى حكومة أو أعضاء فى الحكومة هل تملكون الجراءة أن تقولوا مش حا نخرج مبارك وعياله إلا جثث هامدة وإنكم بالقانون أو من غيره عافية أو ذوق حا تخلصوا عليهم واحد واحد بدل من اللف والدوران وتقول لنا إحنا بنحترم القانون وإذا كنتوا بتغنوا علينا أغنية إحترام القانون رجعوا مرسى للسجن وطلعوه براءة عن طريق حكم محكمة مش عن طريق حماس وإقتحام السجون.

عجيبة يا مصر عندما يرتعد حاكمك من رجل مسن بدون سلطات يجلس على كرسى متحرك محاط بحرس يسد عين الشمس وعندما تصاب الجماعة الحاكمة بالجفاف من هول الإصابة بالنزلة المعوية وأن يصاب مريدى الرئيس بنوبة هيستيرية من الخوف والهلع لمجرد أن مبارك إبتسم ولوح لمحبيه بيده فإن دل هذا على شيئ فنحن أمام دولة كارتونية وديكور من الورق لا يتحمل حتى نسمة هوا خارجة من فم رجل قارب سنه على 85 سنة فأين حمرة الخجل ولكن إذا كنا فى عصر نبيع فيه لاجئينا السياسيين بحفنة دولارات فهل نحلم بأن يكون هناك ضميرا يؤرق هؤلاء ؟...........لا أظن

مصر بلد العجايب ومصر فيها البكش على قفا من يشيل إللى يقول لك إحنا إللى خرمنا التعريفة وإللى يقول لك إحنا إللى دهنا الهوا دوكو وعلى نفس السياق حكام مصر الجدد من الإخوان بيقول لك إحنا إللى قفلنا المطار بالليل علشان الطيارات تقدر تطفى النور وهى طايرة وتوفر كهربا ود حا يوفر بنزيم ويرخص أسعار التذاكر وده حا يشجع السياحة فى مصر ... طبعا ده إى كلام فى الهجايص وبكش حكام مصر الجديدة نوفى إللى بتتقدم للأمام على ايد مرسى وإخوانه وشايفين التقدم على أيديهم الدولار بتمانية جنية وبيتقدم بسرعة ناحية العشرة جنية  والكهربا حا تنقطع كل يوم على كل البلد بالتبادل والعدل والمحاكم بتتحرق علشان الناس كلها تتمتع بالعدل الإخوانى وإللى كان عنده دليل على إن الإخوان هم مخترعى معركة الجمل وهما إللى زوروا الإنتخابات الرئيسية وإن شفيق مش مرسى هو الرئيس الشرعى للبلاد كل ده راح فى الوبا زى هنادى تمام وكله بقى تراب ورماد وسلم لى ع العدل والعدالة بعد ما إتحرقت وحصلت حريق القاهرة سنة 52.

ونرجع لموضوع المطار أنا أول ما سمعت الوزير بيقول حا نضرب كرسى فى الكلوب المطارى ونقلب الفرح ضلمه إفتكرته بيهزر أو بينكت لأن الإخوان لقوا إن كوميديا باسم يوسف بتحبب الناس فيه فقرروا إن الوزرا يبقوا ولاد نكته وبعدين يقول لك كنا بنهزر ونموت على نفسنا من الضحك فنحب الوزرا ولاد النكتة وخفة الدم لكن طلع الموضوع مش خفة فى الدم ده طلع إنهم ما عندهومش دم أصلا لما يقفلوا المطار ويبعتوا برسائل سلبية للعالم كله إننا معندناش ناس لا بتسافر ولا تيجى مصر يعنى يا خلق هوووه حا نفهمكم إزاى إن مرسى وإخوانه مش عاوزين سياح ولا رزق لمصر ما هى مصر أصلا مش فى حساباته.

بصوا على مصر من ساعة ما ركبها النحس ممكن حد يقول لى على حاجة واحدة بس طلعت لقدام وإتحسنت عن عهد مبارك ( طبعا من واقع إللى بنشوفه وبدون مكابرة الثورجية والمنظرين إللى ودوا البلد فى ستين داهية إننا من دلوقتى بنقول ولا يوم من أيامك يا مبارك ولو مرسى كمل الأربع سنين مش حا نلاقى فى مصر بشر أساسا لأنهم حا ينقرضوا إما بالموت حسرة أو بالموت فى بلاد غريبة) فلو سمحتوا بلاش تقارنوا مرسى بمبارك لان ده مقارنة ظالمة بين رجل الدولة ورجل العشيرة الجاهلة المتخلفة فإذا كان مبارك طيار محترف فمحمد مرسى ما يفرقش عن إللى إتعلموا يسوقوا الطيارة علشان تخبط فى برجى التجارة.

يلا يا حكومة مرسى إقفلوا المطارعلشان السياح الكفرة ما يجوش مصر وبكده نحارب الرزيلة إقفلوا التليفزيونات علشان الناس ما تعرفش الحقيقة وتنام حاطة فى بطنها بطيخة صيفى إقفلوا الجرايد علشان الناس تحس إن الدنيا ربيع والحياة بقى لونها بمبى  إقفلوا الطرق علشان نمنع الحوادث والناس تموت موتة طبيعية  إقفلوا السكك الحديدية علشان المزلقنات المفتوحة إللى كل يوم والتانى تعمل لكم مصيبة إقفلوا المدارس علشان نوفر ميزانية التعليم ونعالج العجز فى الميزان التجارى إقفلوا الكليات ما هى بتطلع أنصاف متعلمين ولما إتنصحوا عملوا ثورة وجابوا البلد ميتين سنة ورا إقفلوا المستشفيات علشان الناس تموت براحتها وأهو برضه نوفر الميزانية فلو إنتوا عاوزين توفروا فلوس مش كفاية عليكم المطار فشدوا حيلكم فيه حاجات كتيرة عاوزه تتقفل والحاجة الوحيدة إللى مقفولة ومش محتاجة تنفتح هى القفل المصدى إللى موجود جوه الجمجمة الإخونية ما هو أصل القفل مصدى وحتى المفتاح إترمى فى البحر وبلعه قرموط والقرموط بلعه حوت والحوت راح إنتحر على شاطئ مجهول كان مرزوق العتقى رسى عليها فى بحر الظلمات ومعاه السلطانية إللى أنعموا بيها على مرسى إللى إفتكرها إنها تاج تاج عظيم وهى سلطانية ما تنفعش تشترى بيها غير بجنية فول ومعاه بجنية طعمية تغمزهم برغيف مدعوم مليان مسامير علشان نقص الحديد ومبروك عليكم السلطانية وكل سلطانية وإنتوا طيبين

مرسى غاضبا: قنديل هاتولى قنديل

قنديل مهرولا : أيوه ياريس خير ألهم إجعله خير

مرسى : حا ييجى منين الخير وإنت من ساعة ما مسكت الوزارة والدنيا إتقندلت بستين نيلة

قنديل : معلش ياريس إنت عارف إن خبرتى قليلة وإنت لما إختارتنى كنت عارف إن الحاجة الوحيدة إللى بفهم فيها هى إزاى أغرق مصر هو أنا مش كنت وزير الرى

مرسى : عارف يا سيدى بس كان عشمى تكون أنصح من كده

قنديل: أوامرك يا ريس

مرسىى: فلوس عاوز فلوس من تحت الأرض البلد فلست وإحنا بنقاوح والحكاية لو كملت شهرين من غير ما تشوف لى فلوس الناس حا تولع فينا حتى بتوع الإخوان والسلفيين

قنديل: اجيب لك وزير المالية تتصرف معاه

مرسى : وإنت بتهبب أيه هما مش بيقولوا لك على كل حاجة

قنديل: ما هو يا ريس كل مشروع نبتديه بيطلع على فاشوش

مرسى: يعنى عملتوا أيه

قنديل: الوزير قال حا نطالب إسرائيل ب 480 مليار دولار بدل البترول بتاع سينا

مرسى : بالذمة إنت عندك مخ يعنى هما حا يدفعوا لنا المبلغ ده علشان سواد عيون سعادتك وبعدين التخريف ده تضحك بيه ع الغلابة لكن الكلام ده حا يودينا فى ستين داهية وتزعل صديقى العزيز بيريز وخلى بالك ما تزعلش إسرائيل مننا ده إحنا ما صدقنا حماس إتزقت عليهم وأنا تدخلت وبقيت فرخة بكشك عند حسين بركة أبو عمامة

قنديل: طب قلنا نتصالح مع حسين سالم وطلبنا منه 20 مليار جنية

مرسى : إنت بتستعبط بقى الراجل علشان يتصالح معاك وهو قاعد فى أسبانيا وحاطط رجل على رجل تشترط عليه يدفع مبلغ قد إللى طالبينه من البنك الدولى ومطلع عنينا بيه تقوم تفتكر إن فيه عاقل حا يدفع لك المبلغ ده علشان يرجع يعيش جنبى فى التجمع

قنديل: ما هو العيشة جنبك تسوى مليارات

مرسى : بطل إستظراف وخلينا فى الجد

قنديل: ما هو إقترحنا على وزير السياحة يأجر أبو الهول والهرم أهو نخلص من ذنبهم وتبقى فلوس السياحة رايحة قطر وما تخشش جيبنا وناخد فلوس قطر الحلال علشان عيشتنا تبقى حلال فى حلال بس منهم لله إللى كشفوا السر وبقت فضيحتنا بجلاجل

مرسى : ما هو إنت مش فالحين غير فى البعبعبة إشتغلوا كوتيمى وإنتوا شغلكم ينجح يعنى لو ما كناش بنشاغل أمريكا كوتيمى مش كان مبارك فقس الملعوب وزمانى أنا والشاطر بنسيق لومان طرة لغاية دلوقتى

قنديل: عنك حق يا ريس

مرسى : طب عملتوا أيه تانى

قنديل: ما إنت عارف ياريس إن الجيش حرن وورانا العين الحمرا فى موضوع بيع القناة لقطر

مرسى : أنا بصراحة مكسوف من الشيخ حمد مش عارف أديله حتة من مصر ده الراجل مغرقنا بخيره ولازم نرد له الجميل ولو على أدى له عيل من عيالى

قنديل: بلاش الننوس الصغير ده كفاية مشاكله مع البوليس

مرسى : ما أنا مش عارف ألاقيها منين والا منين

قنديل: بس أنا إفتكست لك إفتكاسة إللى هى أنا قلت الناس مش طايقة إسم ساويرس فقلت ندبسهم فى مبلغ 16 مليار جنية لو دفعوا أهو نفك زنقتنا شوية ولو ما دفعوش أهم مش حا يعتبوا مصر تانى والجماعة بتاعتنا تنبسط منا قوى علشان إنت عارف ساويرس وما أدراك ما هو ساويرس وطبعا يا ريس إنت مش عايز شركا نصارى فى التجارة بتاعتنا

مرسى: طبعا بس برضه يا فالح الضرايب دى بأثر رجعى والقانون لو مفهوش زينب القاضى حا يرفض يجيب زينب فى الموضوع

قنديل: امال النائب العام قاعد يعمل أيه أهو يقيف لهم تهمة ونساومهم ولو دفعوا أهى مصلحة

مرسى: برضه الموضوع ده حا يحصل طائر النهضة وحا نرجع نغنى ظلموه

قنديل: طب شور علىّ وأنا فوريرة

مرسى : جبتك يا قنديل تعينى لقيتك يا قنديل عاوز إللى يولع فيك

قنديل: معلش يا ريس أهو كيرى جه وأكلناه جبنة كيرى وحا يجيب لنا القرض بتاع البنك الدولى وأهو نعدى أيامنا لغاية ما تخلص ولايتك

مرسى يعنى فكرك ما أقدمش على فترة تانية

قنديل: ما هو لو فضلت الظروف على كده أنا شايف إنك مش حا تكمل الأولانية

مرسى : غور من قدامى وما تورنيش وشك إلا وإنت عامل مشروع يطلع لى فلوس

قنديل: حاضر ياريس

مرسى: فينك يا مبارك كنا قاعدين فى الضل وعاملين فيها سباع وكنت إنت شايل الشيلة دى لولا الملامة كنت رجعتك رئيس تانى بس أنا عارف لو رجعت رئيس أنا حا أخش السجن تانى وأنا مش عاوز أتسجن تانى فأنا قاعد على قلبكم يا مصريين لغاية ما تطفشوا أو طائر النهضة يفقس ويطلع كتاكيت

تررن تررن

مرسى : ألو

أوباما: السلام عليكم

مرسى: مين معايا

أوباما : أنا حسين يا أونكل

مرسى : حسين مين ؟بتاع أكتب يا حسين

أوباما : أنا بركة حسين شيخ البيت الأبيض

مرسى: أهلا يا عمنا بقى برضه يصح إنك تقولى يا أونكل

أوباما : ما هو أصل إللى يسمع كلامى ويمشى لى مصالحى يبقى زى جوز أمى أقول له يا عمى

مرسى: خير يا ريس

أوباما: أنا بأكلمك دلوقتى علشان الجماعة بتوع المعارضة يعرفوا العلاقة إللى بينى وبينك فيلموا الدور شوية ويخشوا الإنتخابات وبكده أبقى عملت لك أكبر معروف بإنى أخلى الإنتخابات شرعية وإنت بقى تدوس فيهم بعد كده وكله بالديموقراطية وفى نفس الوقت أقول كلمتين حمضانين من فصيلة أصل إحنا بنرعى العملية الديموقراطية والإسطوانة المشروخة دى علشان بس نتوه الناس بتوعكم.

مرسى: قصدك كلمتين حمضانين والا حمدين هاهاها

أوباما: ماشى يحق لك تهذر ما هو إللى يعمل كل ده فى شعبه وهو لسه رئيس مستجد يبقى قلبه ميت ده إنت عملت مصايب أكتر من إللى عملها مبارك وبن على فى 60 سنة فى 8 شهور بس بصراحة عينى عليك باردة

مرسى : خمسة وخميسة ما هو كله ببركة تطنيشك يا بركة

أوباما : ما هو أنا لو معملتش نفسى مش شايف ولا سامع الطبخة كلها حا تبوظ وبعد ما صدقنا وركبنا الإخوان على نفس المصريين لو أنا ضغطت عليك زى مبارك كنتوا حا تروحوا كلكم فى شربة مية وأنا ما يخلصنيش إنكم بعد ما تعملوا الخلافة الإخوانية فى عهدى أطلع نص كم وترجعوا السجون تانى

مرسى : وأنا برقبتى يا ريس حسين إدينى بس إنت الأمان وحا تشوف منى أحلى شغل هو أنت من ساعة ما طلبت منى إنى أبعد حماس عن إسرائيل فيه ظلطة واحدة إتنطرت بالغلط من غزة ده أنا عندى سينا بقت خربانة وإخوان حماس والجهاد والقاعدة مبهدلين الدنيا عندى لكن عند إسرائيل كله تمام مش هو ده برضه إتفاقنا.

أوباما: أه ما هو ده الإتفاق سكتوا حماس وإنت وحماس والنهضة حا تبقوا فى التمام يقتلوا بلعيد تلبس المصريين طرح تولعوا فى شعوبكم أنا لا أرى لا أسمع لا أتكلم

مرسى: ما هو رضاك علينا ده جميل مش حا انساه لا أنا ولا حتى بتوع القاعدة ده بفضلك يا راجل رجعوا لمصر بشلل الأطفال وبيدعوا لك ربنا يديك فترتين كمان

أوباما: ما ينفعش ولو إنى كان نفسى الغريانى بتاعك ييجى يعملى دستور أمريكانى على ذوقك

مرسى أشر إنت بس وبكرة هو وأم أيمن وكل اللجنة يسلقوا لك دستور يخليك رئيس أمريكا مدى الحياة بس أنا عاوز منك خدمة

أوباما : أيه تانى

مرسى: أنا مش عارف مشيتوا الحاجة كلينتون ليه ده إحنا كنا مسيطرين عليها أخر سيطرة وأنا متوغوش من ناحية كيرى أحسن يقلب على وأنا مش عاوز وجع دماغ أنا عاوز أحطه فى عبى زى العزيزة كلينتون

أوباما: ما تخافش أنا حا أفهم باترسون إنها تبعت له تقارير تخليه يبقى معاك أجدع من كلينتون كمان

مرسى: أصل أنا من تجربتى مع كلينتون ورئيسة وزراء أستراليا ممتعة للغاية

أوباما: يعنى ما جيبتش سيرة ميركل

مرسى: ده ناشفة قوى إديتنى الوش الخشب وخليتنى مستعجل عاوز أمشى وقعدت أبص فى الساعة ومن كتر لخبطتى نسيت الكلمتين الإنجليزى إللى كنت حا أتمنظر بيهم على إللى قاعدين فعكيت الدنيا بفرسس وأجينست وحكاية الدرنك دى

أوباما: خلى بالك يا أبو الأمراس من الحاجات الصغيرة دى الإتكيت برضه مهم وعموما  أنا حا أقفل معاك ومش حا أوصيك على الخلافة الإخوانية وأنا حا أقدم على كارت عضوية عندكم فى الإخوان علشان أنا سنتننضن للإخوان

مرسى : إنجليزى ده يا حسين

أوباما :لا ده عربى مكسر يا بتاع مدرسة المشاغبين

مرسى أحبك إنت يا مخربش

أوباما: وأنا كمان يامرسى يا بتاع فرسس مش أجينيست