كلمـــــــه واحــــــــــده
عايز اقولك كلمه واحده
عارفه أيــــه؟؟
مش بحبك
ايوه فعلا مش بحبك
مش بحبك حب عادي زي اي اتنين حبايب
حبي ليكي خلي قلبي فيكي دايب
حب اكبر من حكاوي العاشقين
لو قعدت اوصف في حبي ليكي يوم
لأ ...سنين....مش كفايه
لو معايا قد عمري عمر تاني
مهما هاوصف حبي ليكي
مهما هاكتب من أغاني
صعب اوصف قد أيه كلمه بحبك
قد حبات المطر
قد اوراق الشجر
قد كل كلام جميل بيقولوه عاشق
قد كل دموعه لما حبيبه فارق
قد كل طيور مهاجره عشّها
قد فرحه قلب ام بطفلها
قد كل اللي حكيته
واللي لسه مقولتهوش
بحبــــــــــــــــك

ولسه بلادنا ولاده ولا بتموت اراضيها
ومهما بتدبل الورده بيفضل عطرها فيها
ومهما يطول عليها الليل
بيجي النور يصحيها
ومهما يكون في صوتها نشاذ
بيحلوا الغني فيها
ولو ضاقت علينا ساعات
بتفرج تاني بعديها
وتيجي القسوه من ناسها
تقوم حراسها تحميها
تعدي الازمه والتانيه
وبرده خيرها ماليها
وتبقي ارضها غابه
وترجع جنه بعديها
ويسكنها حدا وغربان
وينتهكوا حقوق الانسان
وينسوا الحق والميزان
وتيجي الثوره تنقذها ومن تاني بتبنيها
ويشهد نيلها وتاريخها
علي صدق الكلام فيها
ولو روحي تعيد مجدك
في حجرك هاجي وارميها
واموت والبسمه في شفايفي
ومين غيرك اموت فيها
ولسه بلادنا ولاده ولا بتموت اراضيها


الجيزه
Dr.ayman44@yahoo.com

نفسك تاني قولي في أيه؟؟
قلبي خلاص لعبت عليه
شاطر في الخيانه وأيه
قال راجع تقولي سماح
قلبي كان عملك أيه
بعته وجاي عشان تراضيه
فاكر قلبي قولّي أيه
ظلمك وقته عدي وراح
ايوه صحيح عشقت عينيك
لكن لو مفيش بعديك
قلبي هادوسه وانسي عينيك
ماهو صعب انجرح وارضي
قلبي اللي انتي سيبته زمان
هاقدر اعلمه النسيان
وان كان لسه باقي مكان
لعيونك انا رافضه
نفسك تاني قولي في أيه

بحبك كده

بطيبتك وعندك...تواضعك وكبرك

ولما جنونك يغازل ظنونك

بحبك كده

ولما تزيدي في غيرتك عليه

ولما شقاوتك تسهر عينيه

ولما سلامك يعطر ايديا

بحبك كده

بحبك بريئه واحبك جريئه

واحبك في كدبك

ولما باحسك تقولي الحقيقه

بحبك كده

بحب الجنون اللي باين عليكي

واحب الهدوء اللي ساكن عينيكي

ولما تغيبي بنادي عليكي

بحبك كده

بحبك في صمتك وباعشق كلامك

ولما عيونك بترمي سهامك

في ثانيه عيوني ترد الندا

بحبك كده