أنا مش مهم
أنا دمي سم
أنا ماشي افرط مش بلم
كان نفسي أنصب أو أخم
كان نفسي ابقى كبير يا عم
بس اعمل ايه وانا دمي سم
كل اللي عارفه ودا الأهم
إني يا صاحبي بجد غم!!!
ولأني حاجه تغيظ وهم
أنا مش مهم
أنا مش مهم
سألت روحي ف. يوم بجد
أنا ليه بقيت كدا أي حد
كان ممكن اقدر يوم أسد
وأعلّي صدري كأني سد
بس الحكايه بجد جد
كتر الهموم بتهد هد
وما التقيت روحي ف. مسد
ولا حد قللي هات وخد
وعرفت إني بجد غم
ولقتني حاجه تغيظ وهم
أنا مش مهم
أنا مش مهم
يا حمام يا زاجل روح وأقول
إني بموت ف. اللي اسمه فول
باكله بجد كأني غول
بس مَعدش اليوم نطول
غير حبتين ومنين ننول!!
ريحته وفين طعمه العسول
وما التقيت روحي ف. مسد
ولا حد قللي هات وخد
وعرفت إني بجد غم
ولقتني حاجه تغيظ وهم
أنا مش مهم
أنا مش مهم
ساكن ف.قوضه فوق السطوح
مع نفسي بتخانق وابوح
وبقول يا حظ انا ليه كسيح
ليه تملي متعذّب بَنوح
لو كان لي أهل وبيت فسيح
أو كان لي ضهر كبير صحيح؟!
كنت ابقى م.القسوه بسيح!
أو قلبي فاض بيه الجروح!!
وما التقيت روحي ف. مسد
ولا حد قللي هات وخد
وعرفت إني بجد غم
ولقتني حاجه تغيظ وهم
أنا مش مهم
أنا مش مهم
شاورت خالي قال يواد
سافر الخليج روح زور بلاد
دا السعد وعد ملوش ميعاد
بيعت الجموسه وبس عاد
ورجعت تاني مفيش حصاد
غير حلم لابس توب سواد!!
وما التقيت روحي ف. مسد
ولا حد قللي هات وخد
وعرفت إني بجد غم
ولقتني حاجه تغيظ وهم
أنا مش مهم
أنا مش مهم
قلت ف.بلادي اقدر أعيش
ربك خلقني ماينسنيش
ورجعت ادوّر ملتقيش
غير إنّي اشيل قمح وحشيش
وبمية جنيه متكفنيش
بتعشى يوم ويومين مفيش!!
آخر الحكايه بجد جد
كتر الهموم بتهد هد
وما التقيت روحي ف. مسد
ولا حد قللي هات وخد
وعرفت إني بجد غم
ولقتني حاجه تغيظ وهم
أنا مش مهم
أنا مش مهم
تلفزيون وراديو الغربة
مجلات الغربة
إقرأ أيضاً
-
Trifles أشخاص المسرحية سبعة وهم : جورج هندرسون (مفوض المقاطعة) ، هنري بيترز ( الشريف)، لويس هايل ( مزارع وجار لآل رايت) ، السيدة بيترز (زوج... -
وضع الرئيس السوري حافظ الأسد ، قصيدة الشاعر الجواهري في مدحه، على جدران معظم المدارس المتوسطة والإبتدائية . كما كتبها على الجدران وال... -
تحقيق ريما يوسف سلس، عذب، يتهادى على أنغام ربانية، تخرج من الحنجرة بأروع قافية وخاتمة، روعته تكمن بالتحدي، وسحره بتسلسله المتناغم،... -
" إن الدولة مثل كل التجمعات السياسية التي سبقتها تاريخيا تكمن في علاقة هيمنة للإنسان على الإنسان مبنية على وسيلة العنف المشروع."... -
يغادرنا اليوم اللواء أنطوان لحد الذي غاب عن الاعلام منذ الإنسحاب الإسرائيلي من الجنوب سنة 2000 وهو كان قاد جيش لبنان الجنوبي مدة 16 عاما و... -
لفظة كريدي هي مصغّر كردي ، أي كردي صغير . هل من علاقة بين الصديق ممتاز ، إبن الحلة الأثير واللقب كريدي ؟ بكل تأكيد . إسمه الكامل ممتاز كامل... -
أبو الشمقمق بتمامه بين وجودية فقره وخلود ذكره الْكُدْيَةُ لُغةً : جاء في لسان العرب : كدا : كَدَتِ الْأَرْضُ تَكْدُو كَدْوًا وَكُ... -
أقدم إليكم قصيدة أمير الشعراء أحمد شوقي التي حيا بها جهاد ونضال القاند العام للثورة السورية وأبو الثورات العربية المظفرة القائد العظيم... -
حازت الروائية والشاعرة اللبنانية المقيمة في فرنسا فينوس خوري غاتا (74 سنة)، جائزة أكاديمية "غونكور" للشعر 2011 عن مجمل أعمالها، ع... -
• أستاذ أديب مخزوم --- ثمرة عطاءات وإبداعات لوحات فنية وأشعار خالدة يفوح عطر حروفه وألوانه الرائعة والمتألقة المرهفة لحب الحياة في...
0 comments:
إرسال تعليق