عم صابر لسه صابر
نفسه يعرف بس أخرة صبره ايه
كل حاجه يا دنيا فيكي معانده ليه
حلم عيلته من طفولته انه يبقي وكيل نيابه
يبقي سيف للحق يحمي مره بيه ضهر الغلابه
ينصف المظلوم يجيبله
حقه من بق الغلابه
شد حيله عم صابر
قاسي واتحمل وعافر
بس جت ساعة النتيجه قالولوا بره
اصلك انتا مالكش واسطه
قال وماله
حلم ضاع راح يجي غيره
حلمي لازم يوم مسيره هاشوفوه في ابني
عاش ورزقه ربنا ولدين وبنت
ربي فيهم ان مصر دي امهم
نيلها خيره بيجري جوه في دمهم
يعني تبقي اغلي من أبوهم وأمهم
وأما أبنه شد حيله واجتهد
قال احقق حلم أبويا والبلد
برضه جت ساعة النتيجه قالوالوا بره
اصلك انتا مالكش واسطه
وعم صابر لسه صابر نفسه يعرف بس أخرة صبره ايه
dr.ayman44@yahoo.com
0 comments:
إرسال تعليق