إلى أحلى تنين/ طوني حنا النسر

الى سيادة المطران أنطوان طربيه

يا سيدي المطران طرببه

رب الخلقنا يطول بعمرك

للجاليه صفيت ام وبي

وبلسان نحنا كلنا بأمرك

**

الى صبية

عيونك جبرتني احني

وانظم اشعار

ورمشك عما يجرحني

متل المنشار

..

كل ما تطلعتي فيي

بلحظك عم ضيع

وبحكي بدمعة عينيي 

وبالعالي بذيع

ويا ناس اللي حوليي

قلبي رح بيع

كرمال عين الصبيه

اللي عليها بغار
**
فرحة العيد

الفرحه بالعيد زياده
عندي بتكون
لما بتبقى الزوادي
شفّة هلّون

حلوه عا شكلا ما في
ست الستات
سمرا والصدر كنافي
وتا تعايد جات
ولما لقيت عا كتافي
جبت المازات
وشربت من خمر شفافي
كاسات جنون