والله يا شعب صحيح مدلع
تصحي الصبح تقوم من نومك
تلقي حكومتك شايله همومك
حتي العيش من غير طوابير
والخيرات في بلادنا كتير
والقوانين ع الكل بتمشي
كنت وزير او حتي غفير
والاسكان بسهوله تلاقي
والمصروف بيكفّي وباقي
كله بيحصل وبشفافيه
والدستور متظبط خالص
حاجه جميله وميه الميه
ومفيش حاجه اسمها حراميه
بعد دا كله تقول اضراب!!!!!
ناقص تطلب بدل الفول الصبح كباب!!!!
نفسي افهملك بس لزعلك ده اسباب!!!!
واعتصامات واتهامات
احنا نزور في انتخابات!!!
يعني حكومتك تعمل ايه؟؟؟
عايز اكتر من كده ايه؟؟؟
واللـــه يا شعـــب صحيـــح مدلـــع
0 comments:
إرسال تعليق