.jpg)
القصيدة التي ألقيتها في احتفال توفيع ديوان "ندر اللهفه " للشاعر الصديق فؤاد نعمان الخوري
في قاعة كنيسة سيدة لبنان ٢٧ حزيران ٢٠١٤
فؤاد الشاعر الكلمة عطاها
نبض قلبو ت علا مستواها
وما بين الفكر واللمسه الرقيقه
بعدا كلمتو بأول صباها
وفؤاد رفيق أيامي العتيقه
وجهلة عمر ما مننسى شقاها
بصداقه وشعر وقعنا وثيقه
انطوى عمر الزمان وما طواها
شعرو نهر القوافي حديقه
وثقافه واسعه ... الابعد مداها
وشعرو حلم مبني عالحقيقه
مهما صدمت الناس بقساها
الحقيقه بواقعو أحلا رفيقه
شرب من مرها وداب بحلاها
وفؤاد ل ما غفي عقلو دقيقه
الثواني من وهج شعرو غناها
وفؤاد البلبل باحلا طريقه
وصل كلمتو وصوتو رواها
بجمر حروف عن تعزف موسيقى
وبصوتو ل مع جرح قلبو تماها
وفؤاد الحر و الكلمة الطليقه
الحرة ال ما حدا حدد خطاها
وفؤاد العاشق كتابو العشيقه
ولادو حروف احفادو القوافي
وقصايد من وجع قلبو بناها
ب مجدك يجي عالمكتبه طليت
ورسمت خارطة الشعر بكير
ورجعت ب معزوفتك غنيت
الحزن العتيق وكنت شب زغير
ولمن ب دعسه ناقصه شقيت
دربك وقررت بعدو تطير
بين تذكرتين عدت لقيت
حالك بغربه في لها نواطير
برندح وجع كل الوجع حطيت
ورضيت ب واقع بلا تغيير
ورجعت بياع الفرح نقيت
تحكي الوجع ب صوت العصافير
برراحيل عدت رسالتك كفيت
وقررت تبقى هون شوى ما يصير
بوردة السريه السحر حاكيت
وصار الوجع أكبر من التعبير
ومن الفؤاد قصايدك ضويت
ووزنت بين القلب والتفكير
وبمسبحة أمك شعر صليت
وبندر لهفه قبل المزامير
انشالله دواوينك تتلي البيت
وتصير إيقونة شعر لبنان
ولبنان فيك يشوف حالو كبير
يا ندر لهفتنا ب ضيعتنا
يا شاعر ال كفى حكايتنا
يا سنديانه شلوحا علو
لا انكسرت ولا يوم كسرتنا
من عين بحويتا الشعر ملو
وبعدا بتدفق شعر ميتنا
لا الناس من شعارها ملو
ولا بخلت على الشعر جرتنا
شعار بحويتا الحرف صلو
منو حكي بتنقال كلمتنا
وشعار ضيعتنا الليل حلو
اشتاق القمر يسكر عا سكرتنا
وعا تراب بحويتا ألبشر دلو
وقال بتنبت شعر تربتنا
وشعار متل النور بيطلو
اقلامن قناديل عتمتنا
ولما على المهجر عن يفلو
بغيابن بتنهد همتنا
المتلك يا شاعر بالدني قلو
اسمك علم ب عب ارزتنا
ويا رب يعطيك العمر كلو
وتبقى نسر للقافيه والشعر
وقدموس تاني لشعر غربتنا
0 comments:
إرسال تعليق