دمعة الشاعر عادل خدّاج في الحفل التأبيني للفنان الراحل وديع الصافي
بدعوة من
مؤسسة "إنماء الشعر العامي العربي في اوستراليا والوطن العربي
سيدني- استراليا، في 10-11- 2013
بغيبة وديع محردية الثلاّت وصنيّن باكي وتاكية الأرزات
وخاطر جبل نيحا وقف مكسور والشرق كلوّ بيسكب الدمعات
والشعر ذايب عم يخطّ سطور بين الدمع والآخ والنهدات
ولما انطفا بلبنان مجد النور وحطوّا الخبر صاعق على الشاشات
مش بس مات المطرب المشهور الوجه الحلو بلبنان كلّو مات
ولما تركت العود والألحان الفن قالوا بعدك ترهّب
ما انت كنت النهر والبركان كلما الغنا عالمسرح تأهبّ
بصدقو رئيس بلادنا سليمان منحك وسام الأرز المذهّب
بيعرف بحسّو بيقظة الوجدان الوجه الحقيقي كنت عن لبنان
ولبنان كلو باسمك تذّهب
عشت بحياتك حامل المجدين مجد الكرامة وصوتك الصافي
كنا رمز لوحدة الأخين واليوم بي نيحا صوت غافي
مطرح ماعالدنيا فتحت العين وبيك وامك حضنهم دافي
وبأرض نيحا صار لنا مزارين مزار الطهارة للنبي أيّوب
مزار الوديع الخالد الصافي
باسم التجمع جبت نهداتي ومجد التراث وصدق كلماتي
بعزي وطنا بمارد الفنان وشريكتك من صوت لهفاني
بعزي العميد بجيشنا المنصان وولادك بإحساس أبياتي
وبحلفلك بالله ومجد لبنان الأرزة وعلمنا الخالدين ثنين
وصاروا بوديع الخالد تلاتة
