بناء على طلب الفنانة / نانسى عجرم بجريدة اليوم السابع بكتابة أغنية عن أطفال الشوارع .
فتحت عينى على الرصيــــــــف
مش لاقى هِدمه ولا حتى رغيف
نايم فى الشارع شــــــتا وصيف
ونــــــــوم الشوارع والله مُخيف .
وأنـــــــــا إيه ذنبى .. وإيه عمـــــــلت
يا وجـــــــــع جنبى .. من نوم الأسفلت
بشكيلك يــــــا ربى .. يومين مـــا أكلت
دا غير المستخبى .. ولغيرك مـــا قُلت .
مش عارف ليه ... الناس بيلومــــونى
وأنــا ذنبى إيه ... دا ذنب إللى رمونى
دا مجنى عليه ... وكمــــان بيحكمونى
وبجيب الجنيه ... بدمع عـــــــــــيونى .
يـا ترى مين أبــويا
ويــا ترى مين أُمُى
ياترى مين أخويـــا
ويا ترى مين عمى .
ما صعبتش عليكم
وإنتـــوا بترمونى
فى الشارع بإيديكم
طب ليـــه جبتونى .
نوم الشوارع ده أكبر خطر
كلاب ووحوش وبرد ومطر
مش لاقى حـــــد يحن عليا
ولا قلب أم عليا إنفطـــــــر.
لكن عندى أمــــــل فى ربنا
يحنن قلوب تبعدنى عن هنا
وتطبطب علينا وتخفف عننا
علشان الذنب مش ذنبنــــــا .
0 comments:
إرسال تعليق